Kommunit nalunaarsuiffiannit tigusat

Ineqarnermut tapiissutinik nalunaarsuutit tunngaviusut kommunit nalunaarsuiffianninngaanneerput. Nalunaarsuutit Kommunit akuerisaannik KIMIK IT A/S-imit tiguneqarput.

 

Nalunaarsuutit tigussaasut

Isumaginninnermut tunngasuni naatsorsuutini nalunaarsuutit pingaarnerit tassaapput:

 

·       Inuup normua

·       Ikiorsiissut (ikiorsiissutip suunera ammalu aningaaserivimmi konto normu)

·       Ikiorsiissutit tigunerini ulloq (ulloq, qaammat aammalu ukioq)

·       Ikiorsiissutit annertussusaat (aningaasat amerlassusaat koruuninngorlugit)

 

Naatsorsueqqissaarnermi aaqqissuussineq

Nalunaarsuutit tunngaviusut allaffissorluni aqutsinermi nalunaarsuiffinninngaanneerput naatsorsueqqissaarnikkullu atugassatut ineriartortitaanatik, taamaattumillu naalunaarsuutit tunngaviusut suliareqqillugit nalilersorlugillu suliaapput.

 

Nalunaarsuutinik naliliineq

Ineqarnermut tapiiffigineqartartut allattorsimaffinniittut tapiiffigitereernerup aammalu tapiissutinik utertitsereernerup kingorna, aaqqiisoqareerneraniluunniit tapiissutaasimasut amerlassusaat noor’lumiippata naatsorsuutini ilaatinneqanngillat. Kommunillu naatsorsuutaanni kisitsisinilu paasissutissani saqqummiussani tapiissutit tiguneqartut qaammatini siuliini tapiissutaasimasut ineqarnermut tapiissuteqartoqareernerani pisut naatsorsuutini ilaasinnaapput.